Serok Barzanî bi sanda Lubnanê re civiya

PeyamaKurd - Serok Mesûd Barzanî îro pêşwazî li Serokê Fraksiyona Dîdara Demokrat a li Parlemena Lubnanê Teymûr Canpolat û şanda pê re kir.

Malpera fermî ya Serok Barzanî ragihand, di hevdîtinê de pêwendiya dîrokî ya di navbera gelê Kurdistan ligel gelê Lubnanê bi giştî û malbata Canpolat bi taybetî bilind hate nirxandin û tekezî li ser pêşxistina peywendiyên her du aliyan hat kirin.

Herwiha rewşa siyasî ya Lubnan, Iraq û herêmê û pêwendiyên Hewlêr û Bexda û metirsiyên terorê jî di hevdîtinê de hatin axaftin.