Girtiyê Kurd ê nexwes Abdulrezak Suyur can da

PeyamaKurd – Girtiyê Kurd ê nexweş Abdulrezak Şuyur, ji ber nexweşiyê di girtîgehê de can da.

Li gor zanyariyan, Abdulrezak Şuyur xelkê parêzgeha Sêrtê ya Bakurê Kurdistanê ye û di sala 1993an li bajarê Mugla yê Tirkiyê bi hinceta “endamtiya rêxistina terorê” hatibû desteserkirin û cezayê heta heta yê girtîgehê lê hatibû birîn.

Herwiha zanyarî didin zanîn, Şuyur piştî girtîgehên Sêrt û Dîlokê herî dawî bo girtîgeha Şakran a Tîpa F ya Îzmîrê hatiye veguhastin û berî 3 mehan bi nexweşiya pençeşêra kezebê ketiye.

Cenazeyê Şuyur wê piştî karûbarên yasayî, li navçeya Dihê ya Sêrtê bê veşartin.