Li Tirkiye û Bakurê Kurdistanê 243 kesên din ji koronayê mirin

PeyamaKurd – Wezîrê Tenduristiyê yê Tirkiyê Fahrettîn Koca, tabloya 12ê Îlonê ya rewşa 24 saetên dawî ya vîrusa koronayê eşkere kir.

Li gorî tabloya îro Yekşemê, li Tirkiye û bajarên Bakurê Kurdistanê di nav 24 saetên borî de 243 kesên din ji ber koronayê can dane û 21 hezar û 352 kesên din jî pê ketine.

Koca li ser twitterê diyar kir ku sedema zêdebûna pêketinên koronayê îhmalkarî ye û car din hişyariya pabendbûna bi tedbîran anî ziman.

Herwiha daxwaz ji hemwelatiyan jî kir dozên tam ên derziyên koronayê li xwe bidin, lewra xeterî dewam dike.