YSK: Ger cezayê Îmamoglû misoger bibe…

PeyamaKurd – Serokê Şaredariya Bajarê Mezin a Stenbolê Ekrem Îmamoglu, di doza ku bi hinceta heqaret li endamên Lijneya Hilbijartinê ya Bilind (YSK) kiriye, 2 sal û 7 meh û 15 roj cezayê girtîgehê lê hat birîn.

Serokê Giştî yê YSKê Muharrem Akkaya diyar kir, ger piştî namzetiya Ekrem Îmamoglû namzediya wî bê tesdîqkirin, dema ku hate hilbijartin wê erka wî neyê dayîn û wê dîsa hilbijartin bê kirin.

Dadgehê jî biryar da ku "ji bikaranîna hin mafan bêpar bimîne". Eger biryar bi dawî bibe, Îmamoglû wê ji aliyê siyasî ve bê qedexekirin û ji şaredariyê bê dûrxistin.

Akkaya li ser pirsa “Gelo di dema namzetiyê de ceza bihata girtin wê namzetiya wî nehatibe rakirin?” wiha bersivand:

“Ger dema ku ew namzed e ceza bigre, namzetiya wî nayê avêtin. Mînakên vê yên rast jî hene.”

"Eger piştî hilbijartinê bi dawî bibe, parêzbendî dikeve lîsteyê"

"Eger biryara dadgehê piştî hilbijartinê biqede wê çi bibe?" Akkaya jî wiha bersiv da pirsê:

“Berî her tiştî di wê rewşê de bûyer ji destê me YSKê derket. Yê biryarê dide Meclîs e. Lê belê ji ber ku Serokatî xwedî parêzbendî û bêberpirsiyarî ye, bandor lê nayê kirin, heta dawiya emir tê hiştin. Hûn dizanin, ev ji wekîlan re pir dibe. Ji xeynî xalên îstîsna yên di Destûra Bingehîn de, wekîltiya wî nakeve.”