Hefteya bê 187 hezar derziyên din ên koronayê digihîjin Kurdistanê

PeyamaKurd – Berdevkê Wezareta Tenduristiya Herêma Kurdistanê Aso Hewêzî ragihand ku hefteya bê pişkek din ji derziya Covid-19 digihe Kurdistanê.

Berdevkê Wezareta Tenduristiya Kurdistanê Dr. Aso Hewêzî got, pişka yekem ya derziya koronayê bi ser nojdar û karmendên tenduristiyê de hatiye belavkirin û li wan hatiye dayîn.

Dr. Aso Hewêzî da xuyakirin ku hefteya bê wê pişkek din bigihîje Kurdistanê ku ji 187 hezar dozan pêk tê û ji aliyê wezareta tenduristiya Iraqê ve tê şandin.

Herwiha berdevkê wezareta tenduristiyê da zanîn, hikûmeta Kurdistanê bi çend şirketên çêkirina derziya Koronayê re hevdîtin kirine û destnîşan kir, armanca hikûmetê ew e bi xwe jî derziya koronayê bikire ji ber ku girîngiyeke zêde dide vê mijarê.