Fermandarê Êzîdxanê: Metirsiyeke cidî li ser Sengalê heye

PeyamaKurd – Fermandarê Hêzên Êzîdxanê diyar kir; nîvê wan çekdarên DAIŞê ku li Şengalê bûn, niha di nav wan komên ku li Şengalê hukmê dikin de ne.

Heyder Şeşo ji K24ê re daye zanîn, metirsiyeke cidî li ser Şengalê heye û divê Neteweyên Yekbûyî biryara pêwîst li ser wan hêzan bide.

Şeşo eşkere kir, ew spasiya Hikûmeta Herêma Kurdistanê dikin ji ber damezrandina dadgeha taybet bi tawanên DAIŞê û destnîşan kir ku biryara Dadgeha Federalî ya li ser damezrandina dadgeha tawanên DAIŞê cihê nîgeraniyê ye.