Parlemana Kurdistanê li dijî qanûneke Iraqê gilî dike

PeyamaKurd - Serokê Komîsyona Darayî li Parlementoya Kurdistanê ragihand, ewê li dijî qanûneka Iraqê li dadgehê gilî bikin.

Parlementerê Kurdistanê û Serokê Komîsyona Darayî, Ziyad Cebar got, em xwe amade dikin li dadgehê li dijî qanûneka Iraqê gilî bikin.

Ziyad Cebar her wiha got, ew qanûn par derketiye. Li gorî wê qanûnê, hikûmeta Iraqê mîna parêzgeheka Iraqê li Herêma Kurdistanê dinêre, di demekî de ku Herêma Kurdistanê xwedan statûyeka fermî ye û di Destûra Iraqê de jî hatiye pesendkirin.