نرخى نەوت نزمترین ئاستى لە شەش مانگى رابردو تۆمار کرد

پەیامی کورد... نرخى نەوت نزمترین ئاستى لە شەش مانگى رابردو تۆمار کرد


ئەمڕۆ پێنجشەممە، نرخی یەک بەرمیل نەوتی خاوی برێنت بە 74 دۆلار و 69 سەنت مامەڵەی پێوەدەکرێت بەراورد بە دوێنێ نرخەکەى دوو دۆلار و 49 سەنت دابەزیوە و بەمەش نزمترین ئاستى لە شەش مانگى رابردو تۆمار کرد.

بەپێی داتاکانی بازاڕی جیهانی نەوت، نرخی یەک بەرمیل نەوتی خاوی ئەمەریکی بە 69 دۆلار و 79 سەنت مامەڵەى پێوە دەکرێت بەراورد بە دوێنێ نرخەکەى دوو دۆلار و 47 سەنت دابەزیوە.


گۆڕانکارى لە نرخی نەوت لە کاتێکدایە، هەریەک لە عێراق و روسیا و سعودییە و ئیمارات و جەزائیر و کوێت و عومان رایانگەیاند، بەشێوەیەکی خۆویستانە و بە ئامانجی سەقامگیری نرخی نەوت لە بازاڕەکانی جیهان و راگرتنی هاوسەنگی لە نێوان خواست و خستنە بازاڕدا بەرهەمهێنانی رۆژانەی نەوتیان کەمکردەوە.