لە کوەیت ئاگر لە باڵەخانەیەک کەوتەوە و 35 کەس گیانیانلەدەستداوە

وەزارەتی تەندروستیی کوەیت رایگەیاند، بەهۆى کەوتنەوەى ئاگر لە باڵەخانەیەکى بازرگانى، 35 کەس گیانیانلەدەستدا و دەیانى دیکەش برینداربوون.

بەرگریی شارستانیى کوەیت رایگەیاند، ئاگرەکە لە گەڕەکی ئەلمەنگەفی پایتەخت کەوتووەتەوە و بەهۆیەوە بەگوێرەى ئامارە سەرەتاییەکان، 35 کەس گیانیانلەدەستداوە کە زۆرینەیان کرێکارى بیانیین.

دەشڵێت، ئاگرەکە لە باڵەخانەیەکی بازرگانی کەوتووەتەوە کە شوێنی مانەوەی کرێکاری بیانی بووە و ئاگرەکە دووکەڵى دروستکردووە و بووەتەهۆى خنکانى کرێکارەکان.

وەزارەتی تەندروستیی کوەیت ئاماژەی بەوەکردووە، تیمە فریاگوزارییەکان دەستبەجێ گەیشتوونەتە شوێنی ئاگرکەوتنەوەکە و دەستکراوە بە گواستنەوەی بریندار و خنکاوەکان.

ئەوەشی خستووەتەڕوو، سەرجەم نەخۆشخانە نزیکەکان تەرخانکراون بۆ پێشوازیی لە قوربانییەکانی رووداوی ئاگرکەوتنەوەکە.