دوو برا بە هۆی ڕاوەدوونانیان لەلایەن هێزەکانی ئێران گیانیان لە دەست دا
پەیامی کورد... دوو برا بە هۆی ڕاوەدوونانیان لەلایەن هێزەکانی ئێران گیانیان لە دەست دا
هێزە چەکدارەکانی ئێران تەقەیان لە دوو شوانکاری کورد کردووە، لەکاتی هەڵاتن لە شاخ کەوتوونەتە خوارەوە و گیانیان لەدەستداوە.
بەگوێرەی ئەو زانیاریانەی کە بڵاو بوونەتەوە، دوو هاوڵاتی کە برای یەکتر بوون بۆ هێنانی ئاژەڵ چونەتە سنووری ئێران و کەوتونەتە کەمینی هێزەکانی سنووری ئێران و بە هۆیەوە هەڵدێراون و هەردووکیان گیانیان لە دەستداوە.
رووداوەکە لە دەڤەری راپەڕین لە کوێستانەکانی "گۆڕ تیسوێ" لە سنووری نێوان ئێران - ھەرێمی کوردستان روویداوە؛ کاتێک ویستوویانە خۆیان رزگار بکەن لە شاخ هەڵدێراون و گیانیان لەدەستداوە.
شوانکارەکان خەڵکی گوندی بێپاڵانن لە سنووری ناحیەی سەنگەسەر و بران بە ناوەکانی سەرباز حەمەد ئیبراهیم و کامەران حەمەد ئیبراهیم ھەردووکیان بران و خێزاندارن.
هەروەها، سەرباز حەمەد ئیبراهیم لە بێپاڵان ژیاوە و کامەران حەمەد ئیبراهیم لە چوارقوڕنە. دەوترێت، "کامەران خاوەنی چوار منداڵە و منداڵێکی 10 ڕۆژە لەدایک بووە.