پەیامی نێچیرڤان بارزانی بە بۆنەی هاتنی جەژنی قوربان

نێچیرڤان بارزانی، سەرۆکوەزیرانی هەرێمی کوردستان لە توویتێکدا بەبۆنەی هاتنەوەی جەژنی قوربان پەیامێکی پیرۆزبایی بڵاوکردەوە

ئەمڕۆ سێشەممە ٢١ی ئۆگۆستی ٢٠١٨  نێچیرڤان بارزانی، سەرۆکوەزیرانی هەرێمی کوردستان پەیامێکی پیرۆزبایی بڵاوکردەوە و پیرۆزبایی خۆی ئاراستەی موسڵمانانی کوردستان و جیهان کرد و ڕایگەیاند، كوردستان بە‌رە‌و ئایندە‌یە‌كی گە‌شتر ھە‌نگاودە‌نێت.

ئەمەش دەقی پەیامەکەیە ...

بە بۆنەی هاتنەوەی جەژنی قوربانەوە ، پیرۆزبایی خۆم ئاراستەی خانەوادەی سەربەرزی شەهیدان ، پێشمەرگە قارەمانەکان و موسڵمانانی کوردستان و جیهان دەکەم . سوپاس بۆ خۆڕاگری و کۆڵنەدانی هاووڵاتییان ، کوردستان بەرەو ئایندەیەکی گەشتر هەنگاو دەنێت . جەژنتان پیرۆز بێت