ئێران/ لە مانگی ئەیلوول سێ هاووڵاتیی کورد لەسێدارە دراون
پەیامی کورد ... ئێران/ لە مانگی ئەیلوول سێ هاووڵاتیی کورد لەسێدارە دراون
لە ماوەی مانگی ڕابردووی زایینی حوکمی سێدارەی سێ هاووڵاتیی کورد لە بەندیخانەکانی کوردستان و ئێران جێبەجێ کراوە.
بە پشتبەستن بە ئاماری تۆمارکراو لە ناوەندی ئامار و بەڵگەنامەکانی ڕێکخراوی مافی مرۆڤی هەنگاو، لە ماوەی مانگی سێپتامبری ٢٠٢٠ دا، حوکمی سێدارەی لانیکەم سێ هاووڵاتیی کورد لە بەندیخانەکانی ئورمیە، برووجێرد و ئیسفەهان جێبەجێ کراوە.
لە کۆی ئەو سێ کەسە کە لە سێدارە دراون و ناسنامەی تەواویان ئاشکرا بووە، دوو کەسیان تۆمەتی کوشتنی ئەنقەست (قەتڵ) و کەسیکیان بە تۆمەتی بازرگانی کردن بە ماددە سڕکەرەکان دەستبەسەر و حوکمی سێدارەیان بەسەردا سەپابوو.
هەروەها، زیاترین ژمارەی لەسێدارەدانی هاووڵاتیان کە ٢ حاڵەت بووە، لە پارێزگای لوڕستان تۆمار کراوە و کەسێک لە پارێزگای ئورمیە لە سێدارە دراوە.