بەشێکی زۆر لە گوندەکانی پارێزگای "سنە" لەگەڵ کێشەی بێئاوی بەرەوڕوون
پەیامی کورد … بەشێکی زۆر لە گوندەکانی پارێزگای "سنە" لەگەڵ کێشەی بێئاوی بەرەوڕوون
بە وتەی"عەلیڕەزا تەخت شاهی" بەڕێوەبەری گشتیی شیرکەتی ئابفای پارێزگای "سنە" لە ئێستادا ١٥٠ گوند لە پارێزگای "سنە"، لەگەڵ کێشەی بێئاوی بەرەوڕوون و بە تانکێر ئاوی خواردنەوەیان بۆ دابین دەکرێ.
ناوبراو وتوویەتی ئەو گوندانەی کە بە تانکێر ئاویان بۆ دابنین دەکرێ دوو گرووپن، بەشێک لە گوندەکان کە پێشتر لەگەڵ بێئاوی بەرەوڕووبوون و بەشێکیش لە وەرزی هاویندا و بەهۆی وشکەساڵی سەرچاوەکانی ئاوی نێو گوندەکان وشک بوونە.
هەروەها لە ئێستادا ٤٧٠ هەزار کەس لە گوندەکان کە بەرامبەرە بە ٨٥ لەسەدی حەشیمەتی گوندەکان لە ئاوی خاوێن و تەندروست بەهرەمەندن.
ئەوە لەحاڵێکدایە ئەو پارێزگایە خاوەنی سەرچاوەی یەکجار زۆرە، بەڵام وشککردنی بە پلانی ئەو سەرچاوانە لەلایەن ڕێژیمی ئێرانەوە و ڕاگواستنی ئاوی بەنداوەکان بۆ شارەکانی دیکە و نەبوونی بەڕێوەبەری شیاو و بۆ کۆکردنەوەی ئاو کە لە وەرزی باراندا دەبارێ، تووشی قەیرانی بێ ئاوی هاتووە.
هەواڵە گرنگەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە