هەرسێک بریندارەکەی هێرشەکەی سەر هەولێر نەخۆشخانەیان جێ هێشت

پەیامی کورد... هەرسێک بریندارەکەی هێرشەکەی سەر هەولێر نەخۆشخانەیان جێ هێشت

د. سامان بەرزنجی، وەزیری تەندروستیی حکومەتی هەرێمی کوردستان، لە بڵاوکراوەیەکدا ڕایگەیاند: خۆشبەختانە ئەمڕۆ هەرسێک برینداری ڕووداوی دوێنێ شەوی هەولێر، دوای وەرگرتنی چارەسەری تەواو و کاری پێویست، لە نەخۆشخانە دەرچوون و نێردرانە ماڵەوە

دوێنێ شەو لە ڕێگەی درۆنێکەوە ڕێگەی نێوان هەولێر - پیرمام، نزیک کۆمەڵگەی شاوێس بە ئامانج گیرا و سێ هاووڵاتیی بریندار بوون و زیان بە چەند ئۆتۆمبێلێکی گوزەرەکەش کەوت، ئەنجوومەنی ئاساییشی هەرێمی کوردستان سەرچاوە و لایەنی ئەنجامدەری کارەکەی ئاشکرا کرد و ڕایگەیاند، ئەو کارە لە پردێوە لەلایەن حیزبوڵڵاوە ئەنجام دراوە.