نرخی نەوت بۆ 83 دۆلار دابەزی

پەیامی کورد... نرخی نەوت بۆ 83 دۆلار دابەزی


ئەمڕۆ پێنجشەممە، لەدوای کردنەوەی بازاڕەکانی ئاسیا نرخی بەرمیلێک نەوتی خاوی برێنت بە 83 دۆلار و 65 سەنت مامەڵەی پێوەدەکرێت و بەراورد بە دوێنێ نرخەکەى دۆلارێک زیاتر دابەزیووە.

لە کاتێکدا بەپێی داتاکانی بازاڕی جیهانی نەوت، نرخی بەرمیلێک نەوتی خاوی ئەمەریکی بە 79 دۆلار و 49 سەنت مامەڵەی پێوەدەکرێت و بەراورد بە دوێنێ نرخەکەى دابەزیوە.

گۆڕانکاری نرخی نەوت لە کاتێکدایە کە وڵاتانی عێراق، روسیا، سعودییە، ئیمارات،جەزائیر، کوێت و عومان بەرهەمهێنانی رۆژانەی نەوتیان کەمکردەوە، بە ئامانجی سەقامگیری نرخی نەوت لە بازاڕەکانی جیهان و ڕاگرتنی هاوسەنگی لە نێوان خواست و خستنە بازاڕ.