دانپێدانانی وەزارەتی تەندرووستی ڕێژیم بە تەرمی جێهێڵدراوی قوربانییەکان لە کوچەی پشت نەخۆشخانەی ئەلغەدیر
پەیامی کورد ... دانپێدانانی وەزارەتی تەندرووستی ڕێژیم بە تەرمی جێهێڵدراوی قوربانییەکان لە کوچەی پشت نەخۆشخانەی ئەلغەدیر
حسێن کرمانپوور، بەرپرسی ناوەندی پەیوەندییە گشتییەکان و ڕاگەیاندنی وەزارەتی تەندرووستی کۆماری ئیسلامی ئێران لە گفتوگۆیەكدا لەگەڵ شەرق، ڕاستی ئەو وێنە بە ئازار و شۆککەرانەی کە هەفتەی ڕابردوو لە کۆڵانی پشت نەخۆشخانەی ئەلغەدیر لە تاران لە سۆشیال میدیا بڵاوکرانەوە، پشتڕاست کردەوە. لە وێنەکاندا تەرمی چەند گیان بەختكردوویەك دەردەكەوێ کە بە بە پەتۆ پێچراون و لە کوچەیەکی نێوان دوو بینادا جێهێڵدراون.
یەکێک لەو تەرمانە هی گیان بەختكردوو ئایدا عەقیلی، كچێكی تەمەن ٣٤ ساڵ بوو كە خوشكەكەی دەم وچاو ناسیوەتەوە و لە پەیجی تایبەتی خۆی لە ئینستاگرام ڕایگەیاندووە.
کرمانپوور باسی لەوەش کرد کە شەوی ١٨ی بەفرانبار، نەخۆشخانەی ئەلغەدیر – کە توانای سنوورداری هەیە – لەناکاو ڕووبەڕووی شەپۆلێکی گەورە بووەوە: نزیکەی ١٥٠ بریندار سەردانی نەخۆشخانەکەیان کرد و تەرمی ٣٦ كەسیش بۆ ئەوێ گواسترانەوە. بەڵام ساردخانەی نەخۆشخانەکە تەنها توانای هەڵگرتنی پێنج تەرمی هەبوو.