دۆناڵد ترامپ برازای "جۆن ئێف کێنێدی"ی بۆ وەزارەتی تەندرووستی دەستنیشان کرد

پەیامی کورد   ...   دۆناڵد ترامپ برازای "جۆن ئێف کێنێدی"ی بۆ وەزارەتی تەندرووستی دەستنیشان کرد

دۆناڵد ترامپ، سەرۆکی هەڵبژێردراوی ئەمریکا لە پەیامێکدا لە تۆڕی کۆمەڵایەتی خۆی بە ناوی "ڕاستی کۆمەڵایەتی" نووسیویەتی: "زۆر بە پەرۆشم بۆ کاندیدکردنی ڕۆبێرت ئێف کێنێدی جۆنیۆر بۆ پۆستی وەزیری تەندرووستی".

ئاماژەی بەوەشکرد؛ "ئەمریکییەکان بۆ ماوەیەکی زۆرە لەلایەن کۆمەڵگەی خۆراکی پیشەسازی و کۆمپانیاکانی دەرمانسازی یەوە کە پەنا دەبەنە بەر فێڵ و زانیاری هەڵە سەبارەت بە تەندرووستی گشتی، وێران بوون."

ڕۆبێرت ئێف کێنێدی جۆنیۆر، نووسەر و سیاسەتمەداری ئەمریکی کە لە مانگی خاكەلێوەی ساڵی ڕابردوودا کاندیدبوونی خۆی بۆ هەڵبژاردنی سەرۆکایەتی ئەمریکا ڕاگەیاند، لە مانگی خەرماناندا کشانەوەی خۆی لە کێبڕکێ و پشتیوانی خۆی لە دۆناڵد ترامپ ڕاگەیاند.