نێچیرڤان بارزانی : "بەتەواوی پشتگیری لە هەوڵ و هەنگاوەکانی سەرۆک دۆناڵد ترامپ دەکەین "

پەیامی کورد    ...   نێچیرڤان بارزانی : "بەتەواوی پشتگیری لە هەوڵ و هەنگاوەکانی سەرۆک دۆناڵد ترامپ دەکەین "

سەرۆکی هەرێمی کوردستان لە رێوڕەسمی کردنەوەی باڵەخانەی نوێی کۆنسووڵخانەی ئەمریکا بەشداری کرد و ووتارێکی پێشکەش کرد.

نێچیرڤان بارزانی، سەرۆکی هەرێمی کوردستان لە ووتارەکەیدا رایگەیاند، کردنەوەی باڵەخانەی نوێی کۆنسووڵخانەی ئەمریکا جەختکردنەوەیە لەسەر بەردەوامی پەیوەندی نێوان هەولێر و واشینتۆن و نیشانەی پەیوەندییەکی مێژوویی یە.

سەرۆکی هەرێمی کوردستان ئاماژەی بەوە کرد، پێشمەرگە شان بە شانی ئەمریکا شەڕی دژی داعشیان کرد و ئەمریکا هەمیشە لەپاڵ گەلی کورد وەستاوە.

نێچیرڤان بارزانی ووتیشی، "بەتەواوی پشتگیری لە هەوڵ و هەنگاوەکانی سەرۆک دۆناڵد ترامپ دەکەین لەپێناو چەسپاندنی ئاشتی لە ناوچەکەدا، هەروەها دەست خۆشی لێ دەکەین بۆ دیاریکردنی مارک ساڤایا وەکو نێردەیەکی تایبەتی بۆ عێراق، ئەمە پێشهاتێکی گرینگە."