زەینەب جەلالیان، زیندانی سیاسی كورد لە زیندان دا دۆخی زۆر خراپی تەندرووستی دایە لە بەندیخانە

پەیامی کورد   ...    زەینەب جەلالیان، زیندانی سیاسی كورد لە زیندان دا دۆخی زۆر خراپی تەندرووستی دایە لە بەندیخانە

زەینەب جەلالیان، بەندکراوی سیاسی کوردی خەڵکی شاری ماکۆ و مەحکووم بە بەندکرانی هەتاهەتایی، سەرەڕای بارودۆخی نالەباری تەندرووستی لە مافی دەستڕاگەیشتن بە دەرمان و پێڕاگەیشتنی پزیشکی پێویست لە بەندیخانەی ناوەندی یەزد بێبەش كراوە. 
ئەو بەندکراوە سیاسییە لەم دواییانەدا نەشتەرگەری «ئامبۆلیزاسیۆنی فیبرۆم»ی بۆ کراوە بەڵام تەنیا ۲۴ کاتژمێر دواتر بەبێ ئەنجامی تەواوی پرۆسەی دەرمان و چاودێری دوای نەشتەرگەرییەکەی بۆ بەندیخانە گەڕێندراوەتەوە.

زەینەب جەلالیان چالاکی سیاسی کورد لە ساڵی ١٣٨٨ بە تۆمەتی ئەندامبوون لە پژاك دەستبەسەر كرا و بە ئیعدام مەحكووم كرا، دواتر لە ساڵی ١٣٩٠ حوكمەكەی بۆ زیندانی هەتاهەتایی گۆڕدرا.