ساڵی ڕابردوو قەبارەى بازرگانى چین و رووسیا زیاتر له 240 ملیار دۆلار بووه
پەیامی کورد... ساڵی ڕابردوو قەبارەى بازرگانى چین و رووسیا زیاتر له 240 ملیار دۆلار بووه
بەگوێرەى ئامارە فەرمییەکانى ئیدارەى گشتى گومرگى چین، قەبارەى بازرگانى نێوان مۆسکۆ و پەکین 240 ملیار دۆلارى تێپەراندووە لەساڵى 2023دا، بڕیارە تاوەکو ساڵى 2030 بگەیەندرێتە 300 ملیار دۆلار.
ڤیلادیمیر پوتن، سەرۆکی رووسیاڕایگهیاند، کە بازرگانیی هاوسەنگیان لەگەڵ چین هەیە و تەواوکەری یەکترن لەبواری تەکنەلۆژیای بەرز و وزەدا.
مامەڵەى بازرگانى نێوان چین و رووسیا بە دراوە نیشتمانییەکانیان دەکرێت کە یوانى چینى و روبڵى رووسییە، ئەوەش لەچوارچێوەى وڵاتانى برێکسدا دێت کە مامەڵە تەنیا بە دراوە نیشتمانییەکانیان دەکەن.
هەناردەى چین بۆ رووسیا بەرێژەى 46% زیادیکردووە و گەیشتووەتە 111 ملیار دۆلار، هەروەها هەناردەى رووسیا بۆ چین گەیشتووەتە 129ملیار و 140 ملیۆن دۆلار لەساڵى رابردوودا.