داعش هێرشی کردە سەر سوپای عێراق

پەیامی کورد... داعش هێرشی کردە سەر سوپای عێراق

گرووپە چەکدارەکانی داعش لە سنووری شارۆچکەی داقووق هێرشیان کردە سەر سوپای عێراق، بەو هۆیەوە سەربازێک کوژراو و سەربازێکیش بریندار بوو.

درەنگانێکی شەوی ڕابردوو چەکدارەکانی داعش پەلاماری سەنگەرێکی سوپای عێراقیاندا لە گوندی ئەلبو محەممەد لە شارۆچکەی داقووق لە پارێزگای کەرکووک و شەڕ و پێکدادان لەنێوانیاندا ڕوویدا.

سەرچاوەیەکی ئەمنی عێراقی ڕایگەیاندووە، لە ئەنجامی ئەو هێرشە، سەربازێک کوژراوە و سەربازێکی تریش بریندار بووە.