Kurdistan
سێ برا لە ڕووداوێکی هاتووچۆدا گیانیان لەدەستدا
پەیامی کورد... سێ برا لە ڕووداوێکی هاتووچۆدا گیانیان لەدەستدا
ڕووداوێکی هاتووچۆ لە سنووری قەزای شێخان گیانلەدەستدانی چوار کەسی لێکەوتەوە کە سیانیان برای یەکترن.
کاتژمێر ٠٩: ٠٠ی دوینێ شەو ڕووداوێکی هاتووچۆ لە جۆری پێکدادان لەنێوان کۆمەڵگای چڕە و گوندی مەلابروان لە قەزای شێخان سەر بە پارێزگای دهۆک ڕوویدا.
ڕووداوەکە لە نێوان دوو ئۆتۆمبێلی نیسان/ سەنی و مارسیدس/ ئەتیکۆ ڕوویداوە و بە هۆوە چوار کەس گیانیان لەدەستداوە، کە سیانیان برای یەکترن.
سێ براکە بەناوەکانی (کۆڤان، نێچیرڤان و یووسف) تەمەنیان لەنێوان ١٨ - ٢٤ ساڵاندایە.
فازڵ حاجی، وتەبێژی هاتووچۆی هەولێر لە پەیامێکدا هۆکاری ڕووداوەکە بۆ بەکارهێنانی مۆبایل لە کاتی شۆفێری کردندا دەگەڕێنێتەوە.