لە سنووری سلێمانی ٢ هەزار دۆنم پووش و پاوان سووتا

پەیامی کورد … لە سنووری سلێمانی ٢ هەزار دۆنم پووش و پاوان سووتا

بەڕێوەبەرایەتی پۆلیسی دارستان و ژینگەی پارێزگای سلێمانی رایگەیاند، بەهۆکارێکی نادیار دوو هەزار دۆنم پووش و پاوان سوتان.

لە راگەیەنراوێکی بەڕێوەبەرایەتی پۆلیسی دارستان و ژینگەی سلێمانیدا هاتووە، لە شاخی گردەرەش لە سنوری گوندی بەرگورد لە قەزای ماوەت ئاگرێکئ بەرفراوان کەوتەوە، بەڵام بەهۆی بونی مین و تەقەمەنی لە شوێنی دیاریکراو ئاستەنگی بۆ کارمەندانی بەرگری شارستانی دروستبوو، کە رێگر بوو لە خێرا کوژانەوەی ئاگرەکە. لە ئێستادا ئاگرەکە کۆنتڕۆل کراوە و کوژاتەوە.

زەرەر و زیانی ئاگرەکە مەزەندە دەکرێت بە سوتانی دوو هەزار دۆنم لە پوش و پاوان و داری سروشتی، هەروەها نزیکەی ٢٠ دۆنم ڕەزو باخی هاووڵاتیان.