بەپەلە ... داوا دەکرێت باری نائاسایی بەپەلە ڕابگەێندرێت

پەیامی کورد    ...    زانایەکی عێراقی، هۆشدارت دەدات لە هەبونی رێژیەکی زۆری تیشکە چالاکی توخمە ئەتۆمییەکان و یۆرانیۆم بە تایبەت، لە بەغدا و دەرووبەری و داوا لە دادگا نێودەوڵەتی و دەسەڵاتە خۆجێیەکان دەکات ڕێکاری یاسای لەبەرامبەر بگرنە بەر.
ئیقبال لەتیف زانای عێراقی ، لە کۆنفرانسێکی رۆژنامەوانیدا ڕایگەیاندووە ، بەهۆی بەکارهێنانی چەکی کیمیایی کوشندە لە لایەن هیزەکانی هاوپەیمانان لە ساڵی ٢٠٠٣ و بەدواوە، رێژەیەکی زۆری تیشکاوەری یۆرانیۆم لە بەغدا و دەوروبەری هەیە، داوای ڕاگەیاندنی باری نائاسای دەکات.
ئیقبال داوا لە دادگای نێودەولەتی و کۆمەڵگەی نێودەولەتی دەکات، لیژنەی تایبەت بنێرن بۆ تاقیکاری و پشکنینی خاکی ئەو ناوچانە، هاوکات داواش دەکات تووشبوانی نەخۆشیە کوشندەکان کە بەهۆی ئەو تیشکاوەرەوە توشبون بنێردرێنە دەرەوەی ووڵات بۆ چارەسەر و سەرجەم خەرجیەکانیشیان لەلایەن ووڵاتانی هاوپەیمان لە جەنگی عێراق - ئەمریکا بگیرێتە ئەستۆ.

بەگوێرەی ووتەکانی ئەو زانایە، تاقیکاری بۆ خاکی ناوچەکانی باشووری بەغدا لە ماوەی نێوان ساڵانی ٢٠١٦ - ٢٠١٨  کراوە و دەرکەوتوە ٣٠٠ تەن مادەی تیشکاوەر و بەبڕی ٦ ملیۆن گرام یۆرانیۆم لەناو خاکی ئەو ناوچانەدا قەتیس بوە.
هاوکات، توێژینەوەکی نوێ دەریدەخات، دوای چەندین ساڵ لە تەواوبوونی شەری عێراق - ئەمریکا هێشتا کاریگەری چەکی ئەتۆمی و یۆرانیۆم بەسەر کۆرپە تازە لەدایک بوەکانی عێراقدا ماوە و دەبێتە هۆی ناکامی جەستەیی کۆرپەکان لە سکی دایکیاندا.
لەو توێژینەوەیەدا کە لە ڕۆژنامەی تایبەت بە پیسبوونی ژینگەییدا بڵاوکراوەتەوە، چەندین بەڵگە لەسەر کاریگەریە ترسناکەکانی بۆمبارانکردنی ناوچە جیاجیاکانی عێراق بە گشتی و ناسڕیە بەتایبەت بڵاوکراوەتەوە.
لە توێژینەوەکەدا، تاقیکاری لەسەر کۆمەڵێک منداڵی ناکام کراوە کە لە ماوەی نێوان مانگی ئاب و ئەیلولی2016 لەدایک بوون، ڕۆژنامەکە بە ئاماژەی "سەیری ئەو وێنانە بکە و ڕوو وەرمەگێرە بەو لادا"، کاریگەری ترسناکی بۆ ماوەی چەکی ئەمریکا دەخاتەڕوو کە لە جەنگی ئەمریکا - عێراق لە دوای ساڵی ٢٠٠٣  بەکارهێنراوە.