بەپەلە ... تەقینەوەیەکی گەورە لە بنکەیەکی سەربازی لە ئێران ڕوویدا

پەیامی کورد    ...    تەقینەوەیەک لە بنکەی پێنجەمی شکاریی شاری "ئومیدییە" سەر به شاری ئەهواز ڕووی دا کە بوو بە هۆی نیگەرانی دانیشتووانی ئەو شارە و دانیشتووانی نزیک ئەو پایەگایە.

ئاژانسە هەواڵییەکانی ناوخۆی ئێران پاش نیوەڕۆی ڕۆژی شەممە، ١٥ی فێبریوەری ، هەواڵی تەقینەوەیەکی گەورە لە "بنکەی پێنجەمی شکاریـ"ـی شاری "ئومیدییە" لە ئەهوازییان بڵاو کردەوە کە بنکەی سیستەمی بەرگری ئاسمانی ش لە هەمان شوێندایە.

شایەتحاڵان باسیان لەوە کردووە کە دەنگی تەقینەوە لەو شوێنەدا بە ئاستێک بەرز بووە کە ماڵەکانی دەورووبەری ئەو بنکەیەش ، هەستییان پێ کردووە و تەنانەت بە بوومەلەرزەیان شوبهاندووە.

فەرماندەی پشتیوانی ناوچەی سیستەمی بەرگری ئاسمانی باشووری ڕۆژئاوای ئێران ڕایگەیاندووە : "بیستنی دەنگی تەقینەوە لە ناوچەی ئومیدییە و شارەکانی دەورووبەری بەهۆی تەقینەوەی تەقەمەنییە کۆنەکان بووە کە ڕێکەوتیان بەسەرچووە و جێی نیگەرانی نییە".

شایەتحاڵان هەروەها وتوویانە کە کەمێک پاش بیستنی دەنگی تەقینەوەکە، چەندین ماشینی فریاکەوتن بەرەو بنکەکە ڕۆیشتوون.