دەستگیر کرانی سەرکردەیەکی داعش لە بەغدا

پەیامی کورد... دەستگیر کرانی سەرکردەیەکی داعش لە بەغدا

سەرکردەیەکی ڕێکخراوی تیرۆریستی داعش لە نزیک بەغدای پایتەختی عێراق، دەستگیر کرا.

بەپێی هەواڵی میدیا عێراقییەکان، ئەمڕۆ شەممە ١٦-٤-٢٠٢٢، فەرماندەیی پۆلیسی فیدراڵیی عێراق لە بەیاننامەیەکدا، دەستگیرکردنی سەرکردەیەکی داعشی ڕاگەیاندووە.

فەرماندەیی پۆلیسی فیدراڵی بەبێ ئاشکراکردنی ناوی سەرکردەکەی داعش، ڕایگەیاندووە: ئەو سەرکردەیەی دەستگیر کراوە لە ویلایەتی فەللوجە و دیوانی چەکدارکردنی داعش کاری کردووە،

سەرکردەکەی داعش هەر وەک فەرماندەیی پۆلیسی فیدراڵی ڕایگەیاندووە، لە بازگەیەکی سەر ڕێگای نێوان فڕۆکەخانەی نێودەوڵەتیی بەغدا و شاری بەغدا دەستگیر کراوە.