دوو سەربازی دیکەی تورکیا لە هەرێمی کوردستان کوژران

پەیامی کورد... دوو سەربازی دیکەی تورکیا لە هەرێمی کوردستان کوژران

وەزارەتی بەرگریی تورکیا، کوژرانی دوو سەرباز و برینداربوونی سێ سەربازی تری وڵاتەکەی لە هەرێمی کوردستان ڕاگەیاند.

وەزارەتی بەرگریی تورکیا، لە ڕاگەیاندراوێکدا ئاماژەی بەوە کرد، بەهۆی تەقینەوەی بۆمبێکی چێنراو لە ناوچەی ئۆپەراسیۆنی «چڕنووک-قووفڵ»، دوو سەربازیان کوژراوە، سێ سەربازی تریش برینداربوون و ڕەوانەی نەخۆشخانە کراون.

بەڵام ناوەندی ڕاگەیاندنی هەپەگە بڵاوی کردەوە، لە چالاکییەکانی گەریلاکاندا لە باکوور و باشووری کوردستان ١١ سەربازی تورکیا کوژراون و شەشی دیکەش برینداربوون

سوپای تورکیا لە ١٨ی نیسانی ئەمساڵەوە لەشکرکێشیی «چڕنووک-قووفڵ» ی لە ناوچەکانی زاپ و ئاڤاشین و باسیان و مەتینا، لە هەرێمی کوردستان، دژی گەریلاکانی پارتی کرێکارانی کوردستان دەستپێکردووە و تا ئێستاش لەشکرکێشییەکە بەردەوامە.