شەپۆلێکی چڕی خۆڵبارین عێراق دەگرێتەوە

کەشناسێکی عێراقی پێشبینییەکانی کەشوهەوای بۆ ڕۆژانی ئایندە ڕایگەیاند، خۆڵبارینێکی چڕ شارەکانی عێراق دەگرێتەوە.

واسق سەلامی کەشناسی عێراقی ئەوەشی خستەڕوو، پێشبینی دەکرێت یەکشەممەی داهاتوو لە باکووری ڕۆژئاوای عێراق پلەکانی گەرما بەرزببنەوە و شەپۆلێکی چڕی خۆڵ و تۆز دروست ببێت.

ئاماژەی بەوەشکرد، پێشبینی دەکرێت جیاوازی پلەکانی گەرما و شەپۆلی خۆڵبارین کاریگەری لەسەر شارەکانی ناوەڕاستی فورات هەبێت.

ئەمە لە کاتێکدایە دەستەی کەشناسی عێراق ڕایگەیاند، بۆ ڕۆژانی داهاتوو پلەکانی گەرما بەرزدەبنەوە و شەپۆلێکی تۆز و خۆڵ ناوچەکانی عێراق دەگرێتەوە.