لە شەڕ و پێکدادانی پێشمەرگەکانی ڕۆژهەڵاتی کوردستان و سوپای پاسداران ٩ کەس کوژرا و ١٧ ی دیکەش بریندار بوون

بە پێی ڕاگەیاندنی سەرچاوەکانی هەواڵ لە نزیک شاری شنۆ سەر بە پارێزگای ورمێ لە ڕۆژهەڵاتی کوردستان، شەڕ و پێکدادان لە نێوان پێشمەرگەکانی حزبی دیموکراتی کوردستانی ئێران و سوپای ئەو ووڵاتەدا ڕوویدا و ژمارەیەک کوژرا و برینداری لێکەوەتەوە.

 سەرلەبەیانی ئەمڕۆ شەممە لە سنووری شاری شنۆ تیمێکی پێشمەرگەکانی حزبی دیموکراتی کوردستانی ئێران کەوتوونەتە بۆسەی سوپای پاسدارانی ئەو ووڵاتەوە و بەوهۆیەشەوە شەڕ و پێکدادان لە نێوانیان ڕوویداوە.

بە پێی زانیارییەکان لە ئەنجامی ئەو شەڕە ٩ ئەندامی سوپای پاسدارانی ئێران کوژراون و ١٧ی تریش بریندار بوون .