شەپۆڵێكی خۆڵ بارین بۆ عێراق بەڕێوەیە

پەیامی کورد... شەپۆڵێكی خۆڵ بارین بۆ عێراق بەڕێوەیە


شارەزایەكی كەشناسی ئاشكرایكرد، شەپۆڵێكی چڕی خۆڵبارین بەڕێوەیەو لە ئەمشەوەوە دەگاتە ناوچەكانی هەرێمی كوردستان.

(ئاراس جەبار) شارەزای كەشناسی ڕایگەیاند: لە كاتەكانی ئەمشەودا بارستە هەوایەك لە دەریای ناوەراستەوە ناوچەكانمان دەگرێتەوە بەهۆیەوە ئەگەری هاتنی شەپۆڵێكی خۆڵبارین دەبێت.

ڕاشیگەیاند: شەپۆڵە خۆڵبارینەكە بەرێژەی كەم بۆ مامناوەند زیاتر كاریگەری لەسەر سنووری پارێزگای كەركوك و گەرمیان دەبێت و لە ناوەڕاستی عێراق چڕ دەبێتەوە.

هەروەها ڕایگەیاند: بۆ سبەی سێشەممە ئاسمانی هەرێم ساماڵ و كەمێك ناڕوون دەبێت، پلەكانی گەرماش بەراورد بە ئەمڕۆ دووشەممە بە ڕێژەی (2 تا 4) پلە بە جیاوازی ناوچەكان نزم دەبێتەوە، هەروەها خێرای باش لە كاتەكانی پاش نیوەڕۆ چاڵاك دەبێت 10 – 30 كم/س لە ئاڕاستەی باشووری رۆژئاواوە.