لەكاتی دابەشكردنی هاوكاریدا لە یەمەن 85 كەس گیانیان لەدەستدا
پەیامی کورد... لەكاتی دابەشكردنی هاوكاریدا لە یەمەن 85 كەس گیانیان لەدەستدا
لانیكەم 85 كەس گیانیان لەدەستدا و 322ی دیكەش لە یەمەن برینداربوون، لە یەكێك لە گەورەترین رووداوەكانی پاڵنانی 10 ساڵی رابردوو لە جیهاندا، ئەوەش لەمیانەی دابەشكردنی هاوكاریی دارایی لە سەنعا-ی پایتەخت.
هەژارترین دەوڵەتی نیمچە دوورگەی عەرەبی لە ساڵی 2014ەوە لە جەنگدایە لەنێوان حوسییەكان و ئەوانەدا كە سەنعا-یان كۆنتڕۆڵكردووە و، چەند هێزێكی دیكە.
ئەم رووداوە بە چەند رۆژێك پێش جەژنی رەمەزان روویدا، ئەو ماوەیەی بەشێوەیەكی گشتی تیایدا هاوكاریی دارایی و مرۆیی بەسەر هەژاراندا دابەشدەكرێت.
ئاژانسی فرانس پرێس لە زاری سەرچاوە ناوخۆییەكانەوە ژمارەی قوربانییانی بڵاوكردەوە و رایگەیاند، 85 كەس گیانیان لەدەستداوە و زیاتر لە 322ی دیكە برینداربوون، لەنێویاندا 50یان دۆخیان ناجێگیرە و ژن و منداڵیان تیایە.
هاوكارییەكە لە ناو قوتابخانەیەكدا ئەنجامدراوە و بەپێی وتەی شایەتحاڵان تەقەكردن بووەتەهۆی پاڵنان و پاڵەپەستۆكە.
ئەمە یەكێكە لە گەورەترین رووداوەكانی پاڵنان لە جیهاندا لەماوەی دە ساڵی رابردوودا، بەپێی ئەو ئامارەی رووداوەكان كە فرانس پرێس ئامادەیكردووە.
هەواڵە گرنگەکان
هەواڵە پەیوەندیدارەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە