لە هەرێمی کوردستان ٢٠ تووشبووی کۆرۆنا گیانیان لە دەست دا

پەیامی کورد ... لە هەرێمی کوردستان ٢٠ تووشبووی کۆرۆنا گیانیان لە دەست دا

وەزارەتی تەندروستیی هەرێمی کوردستان ئاماری ٢٤ کاتژمێری رابردووی تایبەت بە ڤایرۆسی کۆرۆنای بڵاوکردەوە و رایگەیاند ٦٦٦ کەس تووشی کۆرۆنا بوون.

بەپێی راگەیەندراوەکە، زۆرترین تووشبوو لە ماوەی شەو و رۆژی رابردوو لە دهۆک تۆمارکراون، کە ٢٧١ کەسن، لەبەرامبەردا لەو ٤٥٥ کەسەی لە کۆرۆنا چاکبوونەتەوە، زۆرترینان کە ٢٠١ کەس بووە لە هەولێر بوون.

هەروەها، لەو ماوەیەدا ٢٠ تووشبووی کۆرۆنا لە هەرێمی کوردستان گیانیان لە دەست داوە کە ٩ کەسیان لە پارێزگای دهۆک بووە.