مردن بە كۆرۆنا چوار ملیۆن كەسی تێپەڕاند

پەیامی کورد … مردن بە كۆرۆنا چوار ملیۆن كەسی تێپەڕاند

بە گوێرەی دواین ئامار، تووشبووانی ڤایرۆسی كۆرۆنا لە جیهاندا گەیشتە 184 ملیۆن و 939 هەزار و 383 حاڵەت.

بە پێی ئامارە جیهانییەكان، تاكو سەر لەبەیانی ئەمڕۆ سێ شەممە ژمارەی تووشبووانی كۆرۆنا لە جیهاندا گەیشتە 184 ملیۆن و 939 هەزار و 383 حاڵەت، لەو ژمارەیەش 4 ملیۆن و 841 حاڵەتی گیانلەدەستدانیش هەبووە ،هەر بەپێی ئامارەكان تاكو ئێستا 169 ملیۆن و 314 هەزار و 997 تووشبووی ڤایرۆسی كۆرۆنا چاكبوونەتەوە.

ویلایەتە یەكگرتووەكانی ئەمریكا لەسەر ئاستی وڵاتانی جیهان زۆرترین ڕێژەی تووشبوون بە پەتاكەی تێدا تۆماركراوە و گەیشتووەتە 34 ملیۆن و 598 هەزار و 361 كەس و 621 هەزار و 335 كەسیش گیانیان لەدەستداوە.