مستەفا کازمی پەیامێکی بە زمانی کوردی بڵاوکردەوە

پەیامی کورد    ...    لە تویتێکدا، مستەفا کازمی، بەبۆنەی راسپاردنی بۆ پێکهێنانی کابینەی حکومەتی عێراق  پەیامێکی بە هەر سێ زمانی ئینگلیزی و عەرەبی و کوردی بڵاویکردەوە و بەڵێنی کارکردن بۆ چارەسەری قەیرانەکان دەدات.

کازمی بە زمانی کوردی نووسیویەتی: "بە راسپاردنم  بە ئەرکی سەرۆکایەتی حکومەتی عێراقی، پەیمان دەدەم لە بەرامبەر گەلە بەخشندەکەمان، بۆ کارکردن لە سەر پێکھێنانی حکومەتێک کە خواستى عێراقییەکان بخاتە پێشینەی کارەکانی، سەروەری نیشتیمان و مافەکان بپارێزێت و کاربکات بۆ چارەسەرکردنی قەیرانەکان و ئابووری بەرەوپێش ببات".

كازمی كێیه‌؟

- ساڵی 1967 له‌ به‌غدا له‌ دایكبووه‌.

- باوكی دوو منداڵه‌.

- به‌كالۆریۆسی له‌ یاسا هه‌یه‌

- ساڵی 2016 بووه‌ سه‌رۆكی ده‌زگای هه‌واڵگری عێراق و ئه‌ستێره‌كه‌ی به‌ ته‌واوه‌تی ده‌ركه‌وت

- به‌هۆی ئۆپۆزیسیۆن بوونی له‌ دژی رژێمی سه‌ددام، ماوه‌ی 10 ساڵ له‌ ده‌ره‌وه‌ ژیاوه‌، به‌ڵام تێكه‌ڵی هیچ پارتێكی سیاسی نه‌بووه‌ له‌ ده‌ره‌وه‌.

- به‌ڕێوه‌به‌ری جێبه‌جێكاری دامه‌زراوه‌ی "الذاكرة العراقیة" بوو، كه‌ تایبه‌ت بوو كۆكردنه‌وه‌ی ‌دۆكیومێنت له‌ باره‌ی تاوانه‌كانی رژێمی سه‌ددام.

- جگه‌ له‌ هاووڵاتی بوونی عێراق، هه‌ڵگری هیچ ڕەگەزنامەی ووڵاتێکی دیكه‌ نییه‌.

- له‌ كاتی مانه‌وه‌ی له‌ ده‌ره‌وه‌ی ووڵات، ته‌نها مافی په‌نابه‌ری سیاسی پێدرابوو.