پوتن و ئەردۆغان پەیوەندییەکی تەلەفونی ئەنجامدەدەن

لەبارەی سوریاوە ئەردۆغان و پوتین پەیوەندییەکی تەلەفۆنییان ئەنجامدا و  ڕایانگەیاند، کە دەبێت بارگرژییەکانى ئەو وڵاتە کەمکرێنەوە.

بەپێی هەواڵێکی ئاژانسی ئەنادۆڵ، لە پەیوەندییەکی تەلەفۆنیدا، رەجەب تەیب ئەردۆغان سەرؤک کۆماری تورکیا و ڤلادمێر پوتن سەرۆکی روسیا، بیروڕایان لەبارەی ھێرشەكەی ئەمریکا، بەریتانیا و فەڕەنسا بۆ سەر رژێمی سوریا ئاڵوگۆڕکردووە . 

ئاماژە بەوەشکراوە، کە ھەردوو سەرۆکەکە پێداگری خۆیان لەمەڕ خستنەگەڕی ھەوڵی ھاوبەش بۆ دۆزینەوەی چارەسەریی سیاسی و کەمکردنەوەی بارگرژی لەناوچەکەدا خستووەتەڕوو.

ئەوەش لەکاتێکدایە، کە دوێنێ هەینی ئەمریکا و بەریتانیا و فەرەنسا زیاتر لە (١٠٠) موشەکیان ئاڕاستەى سوریا کرد و چەند دامەزراوەیەکى سەربازی و ئەکادیمی سوپای ئەو وڵاتەیان کردە ئامانج و وێران کرد.