وەزارەتی تەندرووستی عێراق بەیاننامەیەکی گرینگ سەبارەت بە بڵابوونەوەی ڤیرووسی نوێی کۆرۆنا بڵاو دەکاتەوە

پەیامی کورد      ...   وەزارەتی تەندرووستی عێراق بەیاننامەیەکی گرینگ سەبارەت بە بڵابوونەوەی ڤیرووسی نوێی کۆرۆنا بڵاو دەکاتەوە

وه‌زاره‌تی ته‌ندرووستی و ژینگه‌ی عێراق، ئه‌مڕۆ سێشه‌ممه‌ هۆشداری له‌ بڵاوبەونه‌وه‌ی جۆرێكی نوێی ڤیرووسی كۆرۆنادا و جه‌ختیشی له‌سه‌ر پێویستی پابه‌ندبوونی ته‌واو به‌ ڕێنماییه‌كانی خۆپارێزی كرده‌وه‌.
له‌ به‌یاننامه‌یه‌كدا وه‌زاره‌تی ته‌ندرووستی ڕایگەیاند : به‌دوای په‌ره‌سه‌ندنه‌كانی دۆخی بڵاوبوونه‌وه‌ی كۆرۆنا له‌جیهاندا و دوای ده‌ركه‌وتنی داتا زانستیه‌ باوه‌ڕپێكراوه‌كان بۆ ئاشكراكردنی ڤیرووسێكی نوێی كۆرۆنا له‌ بەریتانیا و بڵاوبوونه‌وه‌ی له‌چه‌ند ووڵاتێكی دیكه‌، ده‌رده‌كه‌وێت ئه‌و ڤیرووسه‌ به‌شێوه‌یه‌كی خێرا بڵاوده‌بێته‌وه‌، بۆیه‌ زۆربه‌ی ووڵاتان ڕێوشوێنێكی خێرا و تووندیان به‌مه‌به‌ستی رێگریكردن لێی گرتوه‌ته‌به‌ر، له‌وانه‌ش ڕاگرتنی گه‌شت بۆ ئه‌و ووڵاتانه‌ی كه‌ ڤیرووسه‌كه‌یان تێدا بڵاوبوه‌ته‌وه‌.

وه‌زاره‌تی ته‌ندرووستی و ژینگه‌ی عێراق هۆشداریشیدا له‌وه‌ی، "مه‌ترسی بڵاوبوونه‌وه‌ی ڤایرۆسه‌ نوێیه‌كه‌ له‌ عێراق هه‌یه‌ و له‌و روه‌شه‌وه‌ به‌ دڵسۆزییه‌وه‌ كار بۆ كۆنترۆڵكردن و به‌رگرتن له‌ بڵاوبوونه‌وه‌ی ده‌كه‌ن". 

راشیگه‌یاند، پێویسته‌ هاووڵاتیان پابه‌ندی رێوشوێن و رێنمایی و هه‌نگاوه‌كانی خۆپارێزی بن، به‌تایبه‌ت به‌كارهێنانی ده‌مامك و پاراستنی دووری نێوانیان و دووركه‌وتنه‌وه‌ له‌ شوێنی قه‌ره‌باڵغ، هه‌روه‌ها پێویستیشه‌ سه‌رجه‌م دووكان و مۆڵ و چێشتخانه‌ و كافتریاكان به‌ته‌واوی پابه‌ندی رێوشوێنه‌ ته‌ندرووستییه‌كان بن. 
وه‌زاره‌تی ته‌ندرووستی و ژینگه‌ی عێراق ئاماژه‌ی به‌وه‌شكرد، سه‌رجه‌م پزیشك و كارمه‌ندانی سوپای سپی توانای خۆیان بۆ كۆنترۆڵكردنی ئه‌و په‌تا زیانبه‌خشه‌ ده‌خه‌نه‌گه‌ڕ.