وەزارەتی پێشمەرگە بانگەوازێکی بڵاو کردەوە

پەیامی کورد … وەزارەتی پێشمەرگە بانگەوازێکی بڵاو کردەوە

وه‌زاره‌تى پێشمه‌رگه‌ى حكوومه‌تى هه‌رێمى كوردستان، بانگه‌وازێكى له‌باره‌ى زیادكردنێكى ئاشكرا بۆ ژماره‌یه‌ك مادده‌ى جۆراوجۆر، بڵاو كرده‌وه‌.

ئه‌مڕۆ سێشه‌ممه‌ 6/7/2021، وه‌زاره‌تى پێشمه‌رگه‌ بانگه‌وازێكى بڵاو كردووه‌ته‌وه‌ و وێنه‌یه‌كى ده‌ست (باسنیوز) كه‌وتووه‌، تێیدا هاتووه‌: "بەپێی فەرمانی وەزاریی ژمارە (7172) لە 3/5/2020، هه‌روه‌ها پاڵپشت بە نووسراوی وەزارەتی دارایی و ئابووریی ژمارە (4991) لە 16/8/2020 بڕیار درا ڕۆژی سێشەممە 10/8/2021 لە بەڕێوەبەرایەتیی میرەی گشتیی سەربازی، زیادکردنێکی ئاشکرا بۆ 423 ماددەی جۆراوجۆری کارەبایی و کەرستەی بیناسازی بکرێت".

ئه‌وه‌ش خراوه‌ته‌ ڕوو، کرێی بڵاوکردنەوەی ئەم بانگەزارە لە ڕۆژنامەی فەرمی دەکەوێتە ئەستۆی ٸەو کەسەی بۆی دەردەچێ.