کاروانێکی دیکەی ڤاکسینی فایزەر گەیشتە عێراق

پەیامی کورد … کاروانێکی دیکەی ڤاکسینی فایزەر گەیشتە عێراق

کاروانێکی دیکەی ڤاکسینی کۆرۆنا لە جۆری فایزەر کە زیاتر لە یەک ملیۆن ژەمە، گەیشتە عێراق.

وەزارەتی تەندروستیی و ژینگەی عێراق لە راگەیەنراوێکدا ئاماژەی بەوەداوە کە کاروانێکی دیکەی ڤاکسینی کۆرۆنا لە جۆری فایزەر، گەیشتووەتە عێراق کە یەک ملیۆن و 155 ھەزار دۆزە.

بەپێی راگەیەندراوەکە، ڤاکسینەکان بەسەر سەرجەم بنکە و فەرمانگە تەندروستییەکانی پارێزگاکانی عێراق و ھەرێمی کوردستان دابەشکراون.

تا ئێستا، چوار ملیۆن و 807 ھەزار و 179 کەس لە عێراق، ژەمی یەکەم و دووەمی ڤاکسینی کۆرۆنایان وەرگرتووە.