رووسیا : دەریای ڕەش هەرگیز نابێتە دەریای ناتۆ

پەیامی کورد... رووسیا : دەریای ڕەش هەرگیز نابێتە دەریای ناتۆ


وتەبێژی كرێملین وەڵامی لێدوانەكانی دیمیتری كولێبا وەزیری دەرەوەی ئۆكراینا دەداتەوە سەبارەت بە دەریای ڕەش و ڕایدەگەیەنێت دەریای ڕەش هەرگیز نابێتە دەریای ناتۆ.

دیمیتری پێسكۆڤ وتەبێژی كۆشكی كرێملین لە لێدوانێكی ڕۆژنامەوانیدا ئاماژەی بەوەدا: لێدوانەكانی كولێبا سەرنجی ئێمەی ڕاكێشاوە، قسەكانی خۆی لە دوو دژبەیەكدا دەبیننەوە، ناتۆ و چەكداماڵین دوو چەمكی دژبەیەكن.

ئەم ووتانەی پێسكۆف لەكاتێك دایە پێشتر دیمیتری كولێبا وەزیری دەرەوەی ئۆكراینا داوای كردبوو دەریای ڕەش بكرێتە دەریای ناتۆ و ناوچەكە بكرێتە ناوچەیەكی داماڵراو لە چەك.

شایەنی باسە سەركردەكانی كیێڤ بە ڤلادیمێر زێلێنسكییەوە، جەخت لەسەر پێویستی وەرگرتنەوەی كریمیا و هەموو ئەو ناوچانە دەكەنەوە كە دەستییان بەسەرداگیروە و كراونەتە خاكی ڕووسیا.