گۆرانیبێژی تورکی هاجەر تۆلۆ کوژرا

گۆرانیبێژی تورکی هاجەر تۆلۆ کوژرا

ڕاپۆرتەکانی هەواڵ باسی کوژرانی گۆرانی بێژی تورکی (هاجەر تۆلۆ)ی تەمەن 40 ساڵی دەکەن لە یەکێک لە مەلهەکانی شەوانەدا لە شاری بۆدروم.

میدیاکانی تورکیا دەڵێن ئەو گۆرانیبێژە تەقەی لێکراوە و لەسەر ستێج بوە لەکاتی ڕوداوەکەدا.

هێرشبەرەکان دوای تەقەکردنەکە هەڵهاتون و هەرچەندە پۆلیس 4 کەسی گومانلێکراوی گرتووە.

هاجەر تۆلۆ بە ڕەچەڵەک لە بۆسناو هێرسکەوە هاتوەتە تورکیا، لەسەرەتانی ساڵی نەوەتەکاندا لە ئەزمیر وەکو نمایشکاری جل و بەرگ دەرکەوت و کچێکی هەیە تەمەنی 15 ساڵانە.

هاجەر تۆڵۆ یەکەم ئەلبومی لەساڵی 2014 بڵاوکردەوە لەگەڵ گەورە مۆسیقا ژەنەکانی تورکیادا کاری کردووە و پێش سێ ساڵ یەکێک لە ڤیدیۆکانی زیاتر ل 4.2 ملیۆن کەس سەیریان کردوە.