زیانەکانی لافاوەکەی هەولێر ڕاگەیەندرا

پەیامی کورد …  زیانەکانی لافاوەکەی هەولێر ڕاگەیەندرا

دوای ئەوەی ڕۆژی شەممە بەهۆی بارینی شەپۆڵێكی بارانی بەخوڕ لافاو لە بەشێكی شاری هەولێر ڕوویدا، لەسەر فەرمان و راسپاردەی سەرۆكی حكومەتی هەرێم، لە پارێزگای هەولێر لێژنەیەك لە بەڕێوەبەرایەتی ڕووبەڕووبوونەوەی قەیرانەكانی پارێزگا، بەرگری شارستانی هەولێر، دەزگای خێرخوازی بارزانی، لقی هەولێری كۆمەڵەی مانگی سووری عێراقی پێكهێندرا بۆ زانین و دەرخستنی ڕێژەی ئەو زیانانەی كە بەهۆی لافاوەكەوە بەر هاوڵاتییان كەوتووە، دەرەنجام زەرەرو زیانەكان بەمشێوەیەی لای خوارە دیاریكران:-

یەكەم/ 500 خێزان، ناوماڵ و كەلوپەلەكانیان بەتەواوتی لەناوچووە.

دووەم/ 130 ئۆتۆمبێل بەر لافاو كەوتون و لەكار كەوتوون.

سێیەم/ 127 خانوو زیانیان بەركەوت.

چوارەم/ 2 قوتابخانەو چەند پڕۆژەیەكی دروستكردنی شەقام و تۆڕكانی كارەباو ئاوو ئاوەڕۆكان زیانیان بەركەوتووە.

پێنجەم/ سوپاس بۆ خودای گەورە كە هیچ زیانێكی گیانی نەبوو.

نووسینگەی پارێزگاری هەولێر

2021.11.1