ئیسرائیل باڵوێزخانەی خۆی لە وڵاتێکی دیکەی عەرەبی دەکاتەوە

پەیامی کورد … ئیسرائیل باڵوێزخانەی خۆی لە وڵاتێکی دیکەی عەرەبی دەکاتەوە

وەزیرى دەرەوەى ئیسرائیل، بەمەبەستى کردنەوەى باڵیۆزخانەى وڵاتەکەى لە مەنامەى پایتەخت، سەردانى بەحرێن دەکات، ئەوەش لە چوارچێوەى ئاسایکردنەوەى پەیوەندییەکانى بەحرێین و ئیسرائیل.

وەزارەتى دەرەوەى ئیسرائیل لە راگەیەنراوێکدا رایگەیاند: لەسەر بانگێشتى وەزیرى دەرەوەى بەحرێن، بڕیارە سبەینێ پێنج شەممە، یایر لاپیت، وەزیری دەرەوەی ئیسرائیل سەردانى بەحرێن بکات.

بەپێى راگەیەنراوەکە، ئامانج لە سەردانەکەى لاپیت، کردنەوەى باڵیۆزخانەى ئیسرائیلە لە مەنامەى پایتەختى بەحرێن و واژۆکردنى چەند رێککەوتنێکى نێوانیانە.

هەروەک ئەوەشخراوەتەڕوو، ئەوە یەکەمین سەردانى فەرمی وەزیرێکى ئیسرائیلییە بۆ ئەو وڵاتە.

ئەوەش لە کاتێکدایە، ساڵى رابردوو پەیوەندییەکانى ئیسرائیل و بەشێک لە وڵاتانى عەرەبى لەناویاندا ئیماران و بەحرێن و مەغریبى عەرەبى بە دەستپێخەرى ئەمەریکا پەیوەندییەکانیان لەگەڵ ئیسرائیل بەرەوئاسایى بونەوەبرد.