لە شەڕی ئۆکراینادا ١٨ ڕۆژنامەنووس کوژراون
پەیامی کورد... لە شەڕی ئۆکراینادا ١٨ ڕۆژنامەنووس کوژراون
حکومەتی ئۆکراینا دەڵێت لە سەرەتای دەستپێکردنی داگیرکارییەکەی ڕووسیاوە لە ئۆکراینا ١٨ ڕۆژنامەنووس لە وڵاتەکەدا کوژراون.
ئاژانسی ئەسۆشیەیتد پرێس بڵاوی کردەوە وەزارەتی کولتوور و ڕاگەیاندنی ئۆکراینا لە بەیاننامەیەکدا ئاشکرای کردووە کە سەرجەم حاڵەتەکانی کوشتنی ڕۆژنامەنووسان و تاوانەکانی دیکەی دژی ڕۆژنامەنووسانی ڕاگەیاندنەکان لێکۆڵینەوەیان لێ دەکرێت.
ئاماژە بەوەش کراوە: ١٣ ڕۆژنامەنووسی دیکە برینداربوون، هەشت ڕۆژنامەنووسی دیکە ڕفێنراون یاخود دەستگیرکراون و سێ ڕۆژنامەنووسیش هێشتا بێسەروشوێنن.
ئەوەش هاتووە کە کۆمەڵێک تاوان دژی ڕۆژنامەنووسانی ١١ وڵات ئەنجامدراون، بە ڕۆژنامەنووسانی ئۆکرایناشەوە.
هەواڵە گرنگەکان
هەواڵە پەیوەندیدارەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە