ڕاگەێندراوێک لە لایەن شاندەکەی هەرێم بۆ بەغدا

پەیامی کورد     ...    ڕاگەێندراوێک لە لایەن شاندەکەی هەرێم بۆ بەغدا  

شاندی حكومه‌تی هه‌رێم ڕاگه‌ێندراوێكی له‌سه‌ر كۆبوونه‌وه‌كانیان له‌گه‌ڵ حكومه‌تی عیراق بڵاوكرده‌وه‌ و رایگەیاند : كۆبوونه‌‌وه‌‌كان ئه‌‌رێنی بوون و خاڵه‌‌كانی ناكۆكی نێوان هه‌‌رێم و عیراق دیاری كران و ده‌‌رئه‌‌نجامی كۆبوونه‌‌وه‌‌كان ئاڕاسته‌‌ی حكومه‌‌تی نوێی عیراق كراون و له‌‌داهاتوودا گفتوگۆكان به‌‌رده‌‌وام ده‌‌بن تا گه‌‌یشتن به‌‌ چاره‌‌سه‌‌ری گونجاو.
له‌ ڕاگه‌ێندراوه‌كه‌ی شاندی حكومه‌تی هه‌رێمدا هاتووه‌ "دوو لیژنه‌‌ی دارایی و نه‌‌وتیی له‌‌نێوان هه‌‌ردوولا پێكهێنران، كه‌‌ وه‌‌ك تیمێكی هاوبه‌‌ش كاریان له‌‌سه‌‌ر دیاریكردنی گرفته‌‌كان و داڕشتنی میكانیزمێكی گونجاو و یاسایی بۆ چاره‌‌سه‌‌ركردنیان، كاریان ده‌‌كرد، كۆبوونه‌‌وه‌‌كان ئه‌‌رێنی بوون و خاڵه‌‌كانی ناكۆكی نێوان هه‌‌رێم و عیراق دیاری كران و تیمه‌‌ هاوبه‌‌شه‌‌كان چه‌‌ندین پێشنییاریان ئاماده‌ و گه‌‌ڵاڵه‌‌ كرد بۆ ئه‌‌وه‌‌ی ببنه‌‌ بنه‌‌مای كاركردنی پێكه‌‌وه‌‌یی تا گه‌‌یشتن به‌‌رێككه‌‌وتنی ته‌‌واوه‌‌تی له‌‌گه‌‌ڵ حكومه‌‌تی نوێی عیراق".
شانده‌كه‌ راشیگه‌یاندووه‌ "حكومه‌‌تی هه‌‌رێمی كوردستان، پابه‌‌ندی خۆی نیشاندا له‌‌سه‌‌ر پرسی نه‌‌وت و ئیلتزاماتی نه‌‌وتی هه‌‌رێم به‌‌مه‌‌به‌‌ستی گه‌‌یشتن به‌‌ڕێككه‌‌وتن، هه‌‌روه‌‌ها شاندی دانووستانكار پێداگری له‌‌سه‌‌ر شایسته‌‌ داراییه‌‌كانی هه‌‌رێمی كوردستان كردووه‌‌، به‌‌تایبه‌‌ت پرسی مووچه‌، ده‌‌رئه‌‌نجامی كۆبوونه‌‌وه‌‌كان، له‌‌سه‌‌ر پرسی شایسته‌‌ داراییه‌‌كانی هه‌‌رێم و پرسی نه‌‌وت، ئاڕاسته‌‌ی حكومه‌‌تی نوێی عیراقیش كراون و گفتوگۆكان به‌‌رده‌‌وام ده‌‌بن تا گه‌‌یشتن به‌‌ چاره‌‌سه‌‌ری گونجاو".
له‌كۆتاییدا شاندی حكومه‌تی هه‌رێم ده‌ڵێت "ئاشكرایه‌‌، ئه‌‌و بوودجه‌‌یه‌‌ی كه‌‌ له‌‌ حكومه‌‌تی فیدراڵه‌‌وه‌‌ ده‌‌هاته‌‌ ھه‌‌رێم له‌‌ ساڵی ٢٠١٩ و له‌‌  سێ مانگی یه‌‌كه‌‌می ٢٠٢٠، نیوه‌‌ی ئه‌‌و بوودجه‌‌یه‌‌ ده‌‌كات، كه‌‌ حكومه‌‌تی ھه‌‌رێم ده‌‌یدات به‌ ‌مووچه‌‌خۆرانی هه‌‌رێم، بۆیه‌‌ پیداگری كرا له‌‌سه‌‌ر خه‌رجكردنی ته‌‌واوی شایسته‌‌ داراییه‌‌كان".