دوای تەقینەوەكەی ئەنقەرە نزیکەی هەزار کەس لە تورکیا دەستگیر کراون

پەیامی کورد... دوای تەقینەوەكەی ئەنقەرە نزیکەی هەزار کەس لە تورکیا دەستگیر کراون


لە دوای تەقینەوەکەی ئەنقەرە، نزیکەی هەزار کەس لە تورکیا دەستگیر کراون و سەدان چەکی بێمۆڵەتیش دەستیان بەسەردا گیراوە.

ئەمڕۆ سێشەممە 3/10/2023، عەلی یەرلیکایا، وەزیری ناوخۆی تورکیا لە ڕێگەی هەژماری تایبەتیی خۆی لە تۆڕی کۆمەڵایەتیی ئێکس (تویتەری پێشوو) ڕایگەیاند: دوای تەقینەوەکەی ئەنقەرە، لە 64 پارێزگا و شار و شارۆچکەی تورکیا لە ئۆپەراسیۆنێکدا دژی ئەو کەسانەی چەکی بێمۆڵەت هەڵدەگرن، یان بە نایاسایی بازرگانی بە چەکەوە دەکەن، 928 کەس دەستگیر کراون و 842 پارچە چەکی بێمۆڵەت دەستی بەسەردا گیراوە.''

لە ماوەی ڕۆژانی ڕابردوودا، لە بەردەم فەرمانگەیەکی سەر بە وەزارەتی ناوخۆی تورکیا تەقینەوەیەکی خۆکوژی ڕووی دا و بەهۆیەوە دوو پۆلیسی ئەو وڵاتە بریندار بوون. لە دوای چەند کاتژمێر، پەکەکە بەرپرسیاریەتیی خۆی لە هێرشەکەی ئەنقەرە ڕاگەیاند.