بە بڕیاری ئەنجومەنی پارێزگای سلێمانی بازیان و حاجیاوا بوون بە قەزا
پەیامی کورد … بە بڕیاری ئەنجومەنی پارێزگای سلێمانی بازیان و حاجیاوا بوون بە قەزا
لە کۆبوونەوەی ئەمڕۆی ئەنجومەنی پارێزگای سلێمانی، بە کۆی دەنگی ئەندامانی ئەنجومەکە پڕۆژە پێشنیازی بوونی بازیان و حاجیاوا بە قەزا.
لە دوای کۆبوونەوەی ئەمڕۆی ئەنجومەنی پارێزگای سلێمانی، ئازاد محەمەد ئەمین سەرۆکی ئەنجومونی پارێزگای سلێمانی لە کۆنفرانسێکی رۆژنامەوانیدا گوتی: "بە کۆی دەنگی ئەندامانی ئەنجومەن پێشنیازی، بە قەزا کردنی ناحیەی حاجیاوا و بازیان پەسند کرا، داواکارین وەزارەتی ناوخۆ پێشنیازەکە قبوڵ بکات".
ناحیەی بازیان لە رووی داواییەوە سەر بە قەزای ناوەندی سلێمانییە و ناحیەی حاجیاوا سەر بە قەزای رانیەی ئیدارەی راپەڕینە. بەگوێرەی یاسا ئەنجومەنی پارێزگای سلێمانی داواکە بۆ وەزارەتی ناوخۆ و ئەنجومەنی وەزیران بەرز دەکاتەوە، بۆ ئەوەی لەوێ بڕیاری پێویست لەسەر پڕۆژە پێشنیازەکە بدرێت.
هەواڵە گرنگەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە