بەهۆی بۆردومانی تورکیاوە بەرپرسێکی باڵای سەربازیی یەپەگە و دوو یاوەری کوژران

پەیامی کورد... بەهۆی بۆردومانی تورکیاوە بەرپرسێکی باڵای سەربازیی یەپەگە و دوو یاوەری کوژران

دژەتیرۆری کوردستان ڕایگەیاند، فڕۆکەی بێفڕۆکەوانی سوپای تورکیا ئۆتۆمبێلێکی چەکدارانی یەپەگەی لە مەنبج کردووەتە ئامانج و بە هۆیەوە بەرپرسێکی باڵای سەربازی و دوو یاوەری کوژراون.

بە گوێرەی زانیارییەکانی دژەتیرۆری کوردستان، ئەمڕۆ یەکشەممە 9ی تەمووزی 2023 کاتژمێر 12:30ی پاشنیوەڕۆ، فڕۆکەی بێفڕۆکەوانی سوپای تورکیا ئۆتۆمبێلێکی چەکدارانی یەپەگەی لە ناوەندی شاری مەنبج لە ڕۆژهەڵاتی حەلەب لە سووریا کردووەتە ئامانج و بەهۆیەوە هەیسەم ئەبوودەحام، فەرماندەی بەتالیۆنی ئەنجوومەنی سەربازیی مەنبج لەگەڵ دوو یاوەری کوژراون.