بەپەلە ... ڕاگەێندراوی ئەنجوومەنی ئاسایشی هەرێمی کوردستان

پەیامی کورد    ...   ڕاگەێندراوی تایبەت لە ئەنجوومەنی ئاسایشی هەرێمی کوردستان

دەقی راگەیندراوەکەی ئەنجوومەنی ئاسایشی هەرێمی کوردستان

بە پێی ڕاگەێندراوی تایبەت لە ئەنجوومەنی ئاسایشی هەرێمی کوردستانەوە ڕاگەێندراوە لە چەند ڕۆژی ڕابردووەوە ، هەندێک لە میدیاکانی نزیک لە " پەکەکە " تۆمەتێکی ناڕەوایان خستووەتە پاڵ دەزگا ئەمنییەکانی هەرێمی کوردستان ەوە ، کە گوایە لە کوشتنی یەکیک لە سەرکردەکانی ئەو پارتەدا تێوەگلاون ، بە داخەوە چەند دەزگایەکی ڕاگەیاندنی نێوخۆیش بۆ قازانجی سیاسی و مەبەستی تایبەتی خۆیان زیاتر لە سەر ئەم بابەتە پەرەیان داوە.

ئێمە وەکوو ئەنجوومەنی ئاسایشی هەرێمی کوردستان ، هەموو شتێکی ئەم بابەتە ڕەت دەکەینەوە و وێڕای ئەمەش بە ئەم هەوڵە میدیاییە چەواشەکارانە ناتوانن ئەو ڕاستییە بشارنەوە ، کە بوونی " پەکەکە " بەم شێوازەی ئێستایان لە هەندێ ناوچەی هەرێمی کوردستان هۆکارێکی سەرەکییە ، بۆ ڕاکێشانی شەڕ و نائارامی بۆ ناو هەرێمی کوردستان . هەروەها چەندین سالە ڕێگرن لر ئاوەدانکردنەوەی زیاتر لە هەشت سەد گوند و ناوچەی هەرێمی کوردستان ، بە داخەوە بەم دواییانەش چەکدارانی پەکەکە خۆیان خستۆتە پەنای گوند و ئاواییەکانمان و بەم هۆیەشەوە هاووڵاتیانی سڤیل بوونەتە قوربانی پێکدادانی نێوان پەکەکە و تورکیا .

لێرەدا جارێکی دیکە دووپاتی دەکەینەوە کە کۆی سیستەمی ئیداری هەرێم کە بەرپرسیارە لە پاراستنی ئاسایشی هاووڵاتیان دا ، دژی ئەم سیاسەتەی پەکەکە یە و خوازیارە کێشەکەیان بگوازنەوە بۆ گۆڕەپانی ڕاستەقینەی خۆیان و ئەو ڕاستییە دەخەینە ڕوو کە کوردستانێکی ئازاد پێویستی بە ئازاد کردن نییە .

دەبێت هەموو لایەک ڕێز لە سەروەری هەرێم و دام و دەزگا شەرعییەکانی بگرن و ڕەچاوی بەرژەوندی هاووڵاتیانی هەرێمی کوردستان بکەن ، هاوکات خوازیارین هەموو هێزەکانی ناوچەکە ڕێگەی ئاشتیانە و گفت و گۆ بگرنە بەر و کۆتایی بە خوێنڕشتن بهێنرێت .

ئەنجوومەنی ئاسایشی هەرێمی کوردستان

٠٩/٠٧/٢٠١٩