سپای پاسدارانی ئێران هەڕەشە لە بەحرەین دەکات

پەیامی کورد... سپای پاسدارانی ئێران هەڕەشە لە بەحرەین دەکات

سپای پاسدارانی ئێران بە توندی ئیدانەی ئاسایی بوونەوەی پەیوەندییەکانی نێوان بەحرەین و ئیسرائیلی کرد.

لەبەیاننامەیەکدا سپای پاسداران ڕایگەیاندووە "پێویستە لەسەر پادشای بەحرەین چاوەڕوانی تۆڵەی توند بکات لە موجاهیدەکانی قودس و گەلی موسڵمانی ئەو وڵاتە".

سوپای پاسداران ئەو هەنگاوەی بەحرەینیان شەرمێونانە ناوبردووە بۆ دەسەڵاتدارانی ئال حەلیفە و دەسەڵاتدارانی ئەو وڵاتەی بە "بەکرێگیراو" ناوبردووە، کە پەیوەندییەکانیان لەگەڵ ئیسرائیل ئاسایی کردووەتەوە.

لە کۆتایی بەیاننامەکەدا سپای پاسداران هۆشداری داوەتە دەسەڵاتدارانی بەحرەین بە تایبەتی و کەنداو بە گشتی، لە کردنەوەی دەرگا لەبەردەم هەژموونی ئیسرائیل و فراوانبوونی لەناوچەی کەنداو و دەریا عومانی ستراتیژی.