بومەلەرزەیەک بە گوڕی 4.5 پلە لە سنوری دهۆک روویدا

پەیامی کورد... بومەلەرزەیەک بە گوڕی 4.5 پلە لە سنوری دهۆک روویدا

وەزارەتی گواستنەوەی عێراق بڵاویکردەوە، بەیانی ئەمڕۆ بومەلەرزەیەک بە گوڕی 4.5 پلە بەگوێرەی پێوەری رێختەر لە سنوری دهۆک روویداوە و هاوڵاتیان هەستیان پێکردووە.

ئەمڕۆ یەکشەممە، وەزارەتی گواستنەوەی عێراق بڵاویکردەوە، بومەلەرزەیەک لەسەر سنوری نێوان عێراق و تورکیا و لە سنوری دهۆک و بەدیاریکراوی لەدووری 30 کیلۆمتەر لە باکوری رۆژهەڵاتی عەمادییەی دهۆک روویداوە.

ئاماژەی بەوەشکردووە، گوڕی بومەلەرزەکە 4.5 پلە بووە و لە کاتژمێر 7:36 خولەکی بەیانی روویداوە و لە قوڵیی 10کیلۆمەتر بووە، بە گوێرەی زانیارییەکان لەلایەن هاوڵاتییانەوە هەستی پێکراوە بەڵام هیچ زیانێکی گیانی و ماددیی تۆمارنەکراوە.